Archive | Tailerrak Ekainberri

Kanide lagun berria Zestoako Liburutegian

Abenduaren 7an Kanide Historiaurreko pertsonaian oinarritutako idazketa eta marrazketa tailerra izan genuen Zestoako Udal Liburutegian, ekitaldiaren bultzatzailea Donostia / San Sebastián 2016 ko Olatu Energia ekimena izan zen.img_0927

Tailerraren arduradunak Iñaki Sainz de Murieta antropologo eta idazlea eta Miguel Berzosa ilustratzailea izan ziren, ordubetean zehar, liburutegira hurbildu ziren neska-mutil zestoarrei ipuin bat nola sortu eta nola marraztu esplikatu zien.

Kanide Historiaurreko umearen ideia Ekain kobazuloan sortu zen eta hori izan da aurkezpen moduan funtzionatu duen tailer hau Zestoako Liburutegian egiteko aitzakia.img_20161207_182344

Lehen Hezkuntzako 3., 4., 5. eta 6. mailak ikasten ari diren zazpi neska-mutil zestoarrek hartu zuten parte tailerrean, idazle eta marrazkilari bokazioak hasteko modu paregabea!img_0928

Tailerraren bukaeran, Iñaki eta Miguelek aurreratu zituzten laister Kanideren abentura berri bat kalean izango dela eta aurreratu ziguten Zestoak izango duela zer esana hirugarren ale honetan.

0

Oreinak badoaz Ekainberritik

Oraindik horretarako data zehatzik ez dugun arren, datozen egunetan Ekainberriko belardian dabiltzan oreinak Pagorriaga etxaldera itzuliko dira negua pasatzera.
Aurtengo martxoan bost kide berri eta oso berezi iritsi ziren Ekainberriko familiara, lau zangodun bost kide iletsu, Beasainen kokaturiko Pagorriaga etxaldeko ko etxaldetik zetozen bost orein, lau eme eta ar bat. Continue Reading →

0

Hurbildu Historiaurrera!

Abuztuan zehar, Historiaurreko gizakiak bezala margotu, sua egin eta ehizatzeaz gain, haragia sutan erre eta dastatzeko aukera eskaintzen da Ekainberrin.

Historiaurrea bere osotasunean bizitzeko aukerak zabaldu egin dira uda honetan Ekainberrira hurbiltzen diren bisitarientzat. Uda honetan Ekainberrira hurbiltzen denak UNESCOk Gizateriaren Ondare izendatutako margoak ezagutu ditzakete, “Ekain Abentura” esperientziaren bitartez orain dela 14.000 urteko gizakiek nola margotzen zuten, sua nola egiten zuten eta nola ehizatzen zuten ikasi, eta gainera, esperientzia hau zabaltzeko gune berri bat sortu da: Historiaurreko kanpalekua. Continue Reading →

0

Ekainfest ekainaren 12an Zestoan

Ekainaren 12an Ekainfest ospatuko da Zestoan, ‘Bizi Historiaurrearen xarma’ lelopean dator Ekainfest jaialdiaren aurtengo edizioa! Herritarrek eta bisitariek festa egun bikainaz gozatzeko aukera izango dute. Beste behin ere, Ekainfesten protagonista Ekaingo gizakia izango da.

ekainfest 2016 programa

Continue Reading →

0

Hemen dira Historiaurreko III. Olinpiadak

Ekainaren 12an Ekainfest jai handia ospatuko da Zestoan egun osoan zehar. UNESCOk Ekain kobazuloko labar artea Gizateriaren Ondare izendatu izana ospatzeko aitzakiarekin sortu zen jai hau urtez urte hazten joan da eta aurtengoa zortzigarren edizioa du.Ekainfest 2016

Ekainfesten ospakizunean protagonismo berezia hartu dute Historiaurreko Olinpiadek, lau eta sei kide arteko taldeak elkarren artean lehiatzen dira Historiaurrean bizirik irauteko gai direla frogatzeko helburuarekin. Baina irabaztearen poza ez da Historiaurreko III. Olinpiadetan parte hartzeko arrazoi bakarra, ezta onena ere, arrazoirik bikainena lor daitezkeen sari izugarriak dira! Talde irabazleak 600 € dirutan eta Zestoako Bainuetxean zirkuitu termala lortuko ditu, bigarrenak 350 € eta asteburu bat Aranburu landetxean, hirugarrenak 150 € eta Fati tabernan afaria, parte hartzen duten gainontzeko taldeek ere saria izango dute.Ekainfest aurkezpena

Oraindik garaiz zaudete Historiaurreko Olinpiadetan izena eman eta sari hauetakoren bat irabazteko!

Informazio gehiagorako eta izena emateko, zuzendu Ekainberriko Informazio Puntura!

 

0

Museoen Nazioarteko Eguna Ekainberrin

Maiatzaren 18an Museoen Nazioarteko Eguna ospatzen da Museoak eta paisaia kulturala lemapean.

Ekain haitzuloa, Madeleine garaiko bere labar-pinturengatik ezaguna, 1969an aurkitu zen. Pintura hauek ezkutuan egon ziren milaka urtez, haitzuloaren mikroklima hauskorrean, bere kontserbaziorako ezin egokiagoak diren baldintzetan, babestuta.

Nola eman zitekeen gizateria urrun horren egonezinen lekukoa ezagutzera berari kalterik eragin gabe?IMD2016_tri

Behar honetatik sortu zen Ekain haitzuloaren erreplika, Ekainberri, eraikitzeko ideia. Erantzun honi esker orain aurkitu, ezagutu eta sentitu dezakegu Paleolitoko euskal ondare artistiko hau, 2008ko uztailaren 7an UNESCOk Gizateriaren Ondare izendatua. Continue Reading →

0

Helbidea:

Portale kalea 1

20740 Zestoa (Gipuzkoa)

Telefonoa: 943 868811 Fax: 943 868812

e-posta: info(a bildua)ekainberri.com

www.ekainberri.com