Abenduaren 7an Kanide Historiaurreko pertsonaian oinarritutako idazketa eta marrazketa tailerra izan genuen Zestoako Udal Liburutegian, ekitaldiaren bultzatzailea Donostia / San Sebastián 2016 ko Olatu Energia ekimena izan zen.
Tailerraren arduradunak Iñaki Sainz de Murieta antropologo eta idazlea eta Miguel Berzosa ilustratzailea izan ziren, ordubetean zehar, liburutegira hurbildu ziren neska-mutil zestoarrei ipuin bat nola sortu eta nola marraztu esplikatu zien.
Kanide Historiaurreko umearen ideia Ekain kobazuloan sortu zen eta hori izan da aurkezpen moduan funtzionatu duen tailer hau Zestoako Liburutegian egiteko aitzakia.
Lehen Hezkuntzako 3., 4., 5. eta 6. mailak ikasten ari diren zazpi neska-mutil zestoarrek hartu zuten parte tailerrean, idazle eta marrazkilari bokazioak hasteko modu paregabea!
Tailerraren bukaeran, Iñaki eta Miguelek aurreratu zituzten laister Kanideren abentura berri bat kalean izango dela eta aurreratu ziguten Zestoak izango duela zer esana hirugarren ale honetan.
