Ekain Lurraldea ezagutzeko sarrerak eros itzazu!

Bi gune bisitagarri daude, Ekainberri eta Lili Jauregia, biak bisitatuz osatu ahal izango duzu zure esperientzia!

Ekainberrin Ekain kobazuloko labar-pinturak ezagutzeko zentzumenen bidaia bat biziko duzu, UNESCO Munduko Ondare izendatuak 2008an.

  • Ekainberriko bisita gidatuan Ekain kobazuloaren erreplika bisitatzen da eta  pinturak EKAIN kobazulo originalean bezala ikusi eta sentitzen dira. Esperientziaren iraupena: 45 minutu inguru.
  • Historiaurreko Esperientzia Konpletoan erreplikako bisita gidatua egiten da eta gainera, esperientzia osatzen da Historiaurreko biziraupen-teknikak ezagutzeko jarduera praktiko batekin: sua nola egiten zuten ikasten da, ehizatzeko modu desberdinak praktikan jartzen dira eta historiaurreko gizakiak bezala margotzeko modu desberdinak ikasten dira. Esperientziaren iraupena: ordu 1 eta 45 min.
  • Gainera, zure sarrerarekin, Euskal Herriko labar-artearen erakusketa iraunkorra bisitatu ahal izango duzu Ekainberrin. Esperientziaren iraupena: 30 minutu inguru. Eguneko erreserben araberako erabilgarritasunaren menpe.

Sarrerak erosi:

Lili Jauregia estilo gotikoan egindako XVI. mendeko eraikin zirraragarria da, Zestoako eta Euskal Herri osoko historian leku oso garrantzitsua izan zuena. Benetako eszenatokiak eta pertsonaiak aktore baten dramatizazioarekin uztartuz, Lilitarren Ohorea antzezlana sortu da. Bakarrizketa batean, Lilitarren leinuko azken biztanleak, Andre Madalenek, 1678ra eramaten ditu bisitariak.


Sarrerak erosi:

Bi guneetako esperientziak konbinatu nahi izanez gero, esperientzia bakoitzaren iraupena eta batetik besterako joan-etorria hartu behar dituzu kontuan. Ekainberriko Sarrera Salmenta Bulegotikik Lili jauregira 10 minutu daude oinez, eta 15 minutuko ibilbidea dago Lili Jauregiaren eta Ekainberriren artean. Ibilbide horietan, debekatuta dago motordun ibilgailuak sartzea, eta oinez bakarrik ibil daiteke. Hala eskatzen duten mugikortasun urriko bisitariei ibilgailuz sartzeko aukera emago zaie. Plaza mugatuak.

Informazio gehiago eta zalantzak argitzeko:

Ekainberriko Sarrera Salmenta Bulegoa
Portale kalea 1, 20740 Zestoa (Gipuzkoa)
943 86 88 11
info@ekainberri.com

TURISMOA ZESTOAN ETA EUSKAL KOSTALDEAN

Zestoa altxorrez beteriko herria da, Urola ibaiaren bailaran kokatuta eta euskal kostaldetik 10 minutura. Ekainez gain, interesgarriak diren beste hainbat toki ezagutu ahal izango dituzu: Lili Jauregia, ALGORRI (Zumaia) Flyscharen interpretazio zentroa…

X